O conselleiro de Medio Ambiente, Territorio e Infraestruturas emprazounos a facer as nosas achegas ao Plan Sectorial de Ordenación de Áreas Empresariais en forma de alegacións, durante o actual periodo de exposición pública do documento.
Dende DEFENDE O MONTE PITUCO, dirixímonos a todos os colectivos e particulares que estean interesados en evitar que este espazo natural sexa invadido polas excavadoras e o formigón; entidades e persoas que teñan sensibilidade co valioso patrimonio ambiental e histórico deste lugar; aos veciños da parroquia e do contorno que necesiten os recursos que lles fornece o monte -madeira, toxo, auga, pasto- e que deixarían de beneficiarse destas materias primas coa instalación dun polígono… que contacten connosco para adherirse ás alegacións que se van presentar en tempo e forma, para insistir unha vez máis que o Monte Pituco non é o lugar adecuado para instalar un polígono industrial nin unha plataforma loxística.
Enderezo de contacto: montepituco@gmail.com
Moitas GRAZAS.
DEFENDE O MONTE PITUCO (Pornedo) 
Deixar un comentario