18 de outubro: Día da protección da Natureza
FLORBELA
Ó abeiro da casa
gabean a hedra
e a herba salgueira.
E plantas de ornato
criadas por ela
con meigo desvelo.
Na terra calcada
o cardo ten aínda
algunha flor seca.
Aquí e alí dispersos
abondan a silva,
o toxo e a xesta;
o fiúncho illado
de longo pecíolo
e a cana de lesta
de flor amarela
saíndo da espiga:
o sol de Florbela.
Francisco Domínguez Romero (1939 – 2005)
“24 poemas” (2002)
DEFENDE O MONTE PITUCO (Pornedo) 
Deixar un comentario