Publicado por: MontePituco | 15/09/2011

II XORNADAS DO MAR DE MARÍN, NO ATENEO

O Ateneo Santa Cecilia de Marín está inmerso nestes días na celebración das II Xornadas do Mar de Marín. Mañá venres, a partir das 21:00 horas, celebrarase no local desta entidade cultural a proxección dun traballo audiovisual titulado “Historias de vida: Mariscadoras de Lourizán”. Trátase dunha montaxe a partir das entrevistas que o realizador Lukas Santiago -membro da comisión técnica do proxecto de creación do Espazo Natural e Arqueolóxico dos Sete Camiños– está a realizar nesa parroquia pontevedresa. Este traballo de campo forma parte do futuro Arquivo Audiovisual de Lourizán, no que se vai basear o seu próximo documental, “Mulleres da Ribeira. O Banco dos Praceres”. Este documental, que se estreará o vindeiro ano, é unha coprodución de Faro de Ons Producións coa Sociedade Antropolóxica Galega (SAGA), á que tamén pertence o realizador.

Hai que dar pois, a benvida, a outro novo colectivo a prol do estudo e da difusión da Cultura e da Historia de Galicia. Pronto traeremos a esta páxina máis noticias sobre SAGA, os seus promotores e as súas iniciativas.

O traballo que Lukas Santiago vai presentar mañá no Ateneo Santa Cecilia recolle -na voz das protagonistas directas- o duro traballo das mulleres da ribeira no banco marisqueiro dos Praceres, facendo un percorrido polas súas vidas e polo seu traballo no mar; deixando constancia das penurias e das vicisitudes dunha existencia entregada á familia e á ribeira. A aprendizaxe do oficio, as artes do marisqueo, as especies de molusco, a instalación da fábrica de celulosa, ou a profesionalización do sector, son algúns dos temas abordados neste documental. Un traballo de gran valor antropolóxico e cunha sensibilidade que reflicte a dignidade destas mulleres, así como a dureza dunha vida que ten cambiado, nas últimas décadas, en moitos aspectos.

Advertisements

Responses

  1. Precioso vídeo.

    • O video é aínda un bosquexo, unicamente cos testemuños, do que será o documental que está en fase de elaboración. Pinta ben.


Deixar unha resposta

introduce os teu datos ou preme nunha das iconas:

Logotipo de WordPress.com

Estás a comentar desde a túa conta de WordPress.com. Sair /  Cambiar )

Google photo

Estás a comentar desde a túa conta de Google. Sair /  Cambiar )

Twitter picture

Estás a comentar desde a túa conta de Twitter. Sair /  Cambiar )

Facebook photo

Estás a comentar desde a túa conta de Facebook. Sair /  Cambiar )

Conectando a %s

Categorías

%d bloggers like this: