DEFENDE O MONTE PITUCO (Pornedo)

O pasado mes de xuño denunciábase neste blog o estado do vial que vai dende a estrada de Figueirido -a carón do acceso á variante de Marín- ata O Casal, A Laxe ou Arealonga. Xestas e arbustos de grandes dimensións sobordaban os muros do vial e dificultaban mesmo o paso dos peóns.

“LIMPEZA (DA MALEZA) VIARIA”

…Nada mellor que a visita, hai só uns días, dun conselleiro, neste caso o de Medio Ambiente, Territorio e Infraestruturas, Agustín Fernández, para visitar a evolución das obras da variante de Marín na súa continuación cara a Pontevedra, para que unha máquina (fora de quen fora, municipal ou provincial) rozara toda a maleza. O resultado é un pouco trapalleiro, dito sexa sen acritude, pero menos é nada.

(Antes, xullo de 2011)