Publicado por: MontePituco | 24/11/2010

FORÇA, ALMUINHA

A Asociación Almuinha vense distinguindo dende hai tempo pola súa ansia de xerar en Marín un ambiente cultural e participativo, un foro de reflexión e de expresión da veciñanza a respecto de temas moi diversos: o chan industrial, o patrimonio material e inmaterial, a sanidade, a defensa da lingua… Dende DEFENDE O MONTE PITUCO (PORNEDO) témoslle que agradecer a este colectivo o seu apoio a prol da conservación deste espazo e a súa implicación no proxecto de creación do Espazo Natural e Arqueolóxico dos Sete Camiños. Por eso lle mandamos a Almuinha unha inxección virtual de forza, co alento vigoroso das árbores, das pedras e dos regatos do monte. Almuinha vai pechar este mes as portas do local que viña ocupando na rúa Ezequiel Massoni, pero pronto se ha reubicar noutro emprazamento para seguir realizando novas actividades, con máis pulo e ogallá tamén con máis respaldo social.

A derradeira actividade que acolle o local de Almuinha vai estar protagonizado por un colectivo denominado As Candongas do Quirombo, ás que en DEFENDE O MONTE PITUCO (PORNEDO) xa nos referimos hai un par de meses cando publicamos un artigo titulado:

MARUXA E CHOLO, SOBRE O GALEGO

A marinense Andrea Núñez, xunto con Xandra Santos, Lara Rozados, Laura Fernández e Raquel Rei formaron o grupo de investigación As Candongas do Quirombo, cun dobre obxectivo: realizar un documental sobre a recuperación da memoria do galego e impulsar accións de fomento do idioma. “A memoria da lingua” proxectarase este venres 26 de novembro a partir das 20:00 horas no Centro Social Almuinha (rúa Ezequiel Massoni, 63).

Consta de 20 entrevistas a persoas de idades e condicións sociais e culturais distintas, que nos aproximan á memoria histórica da lingua galega, cada unha dende a súa experiencia particular, ou dende unha perspectiva profesional. O resultado é un mosaico de voces e de historias que conforman un panorama real sobre a evolución social do galego e da percepción que os falantes tiveron e teñen dela, achegándonos ao pasado recente do idioma, amosando a súa situación presente e albiscando como se perfila o seu futuro inmediato.

Trala proxección abrirase un coloquio para que os asistentes conten as súas vivencias idiomáticas, a súa relación cos galegofalantes e cos castelanfalantes, en diversos ámbitos da vida cotiá, e para que opinen abertamente sobre a problemática actual encol dos dereitos lingüísticos do galego.

…Un interesante tema de debate co que Almuinha pecha unha intensa e frutífera etapa de traballo, para iniciar proximamente outra etapa non menos produtiva e enriquecedora. Con admiración, moita sorte.


Responses

  1. Obrigado polo apoio a A.C.Almuinha. Seguiremos aí para tentar ser, desde as nossas limitaçons, um forum de cultura e projectos para defender todo o relacionado com a nossa terra. Obrigado a vós, “Defende o Monte Pîtuco”, polas sinérgias mútuas criadas. A retroalimentaçom é importante entre os movimentos cidadans por causas justas. Umha aperta e avante !

    • Estaremos atentos ao anuncio da vosa próxima base operativa. Mentres tanto, que a mudanza sexa leve… E a seguir traballando. Saúdos.


Deixa unha resposta a MontePituco Cancelar a resposta

introduce os teu datos ou preme nunha das iconas:

Logotipo de WordPress.com

Estás a comentar desde a túa conta de WordPress.com. Sair /  Cambiar )

Google photo

Estás a comentar desde a túa conta de Google. Sair /  Cambiar )

Twitter picture

Estás a comentar desde a túa conta de Twitter. Sair /  Cambiar )

Facebook photo

Estás a comentar desde a túa conta de Facebook. Sair /  Cambiar )

Conectando a %s

Categorías

%d bloggers like this: