DEFENDE O MONTE PITUCO (Pornedo)

Agora

Antes

O Nadal non comezara precisamente ben no Monte Pituco debido ao incivismo, a irresponsabilidade e a falta de escrúpulos do autor/es dun verquido ilegal composto principalmente por restos de obra, entre plaquetas, cemento, pranchas de madeira e material laminado.

Afortunadamente, o Concello de Marín puido actuar con prontitude e aos poucos días da localización dos refugallos na pista forestal do Monte Pituco e do aviso correspondente, unha brigada municipal afanouse na retirada dos entullos. O resultado foi satisfactorio, xa que o terreo quedou limpo e sen rastro dos residuos contaminantes.

Dende a Asociación Monte Pituco, agradecemos a colaboración da Administración local na limpeza da zona afectada e a eficacia dos operarios do servizo que a deixaron no mellor estado posible.

Ogallá non houbera que lamentar máis agresións deste tipo, que contaminan e degradan o monte. Sería un bo desexo para o 2016 que comeza.

Agora

Antes