DEFENDE O MONTE PITUCO (Pornedo)

…Non se trataba de dar ningunha lección de civismo, nin de activismo ambiental, nin tan sequera de bo gusto fronte á chapuza allea. Simplemente, había un feixe de cosco nun espazo natural, depositado exactamente “alí” por alguén que pretendía provocar a un humilde colectivo veciñal que fai o que pode, sexa moito ou sexa pouco, pola defensa dese contorno fronte a uns intereses especulativos e pola conservación do valioso patrimonio que outros desprezan nun xesto evidente de ignorancia.

Unhas luvas, un par de pás, uns sacos de tea e un pouco de esforzo físico abondaron para que o Alto do Pornedo recuperara o decoro. Foi un pracer. O monte meréceo porque dános moito máis do que outros perciben na súa lamentable e vergoñenta estreitez de miras.

STOP verquidos

#MontePitucoCALIDADE!