DEFENDE O MONTE PITUCO (Pornedo)

Marín, marinense, mariñeiro, navegante… Hainos navegantes das ondas, hainos navegantes de terra e hainos navegantes da rede. Nesta marabilla global que nos interrelaciona a través da tecnoloxía atopamos o blog AsCandongasdoQuirombo. Trátase dun grupo formado por Andrea Núñez, Xandra Santos, Lara Rozados, Laura Fernández e Raquel Rey para realizar un documental sobre a recuperación da memoria do galego. O proxecto denomínase “O galego vivencial. Recuperación da memoria histórica da lingua galega” e está patrocinado pola Dirección Xeral de Xuventude e Voluntariado. Levan aínda pouco tempo percorrendo Galicia e gravando o testemuño directo de homes e mulleres galegofalantes. Esta semana visitaron Marín e conversaron con María Vicedo del Río e Miguel Briones López, Maruxa e Cholo. Velaquí as experiencias destes veciños, grazas a este equipo de investigadoras por difundilas e compartilas.