DEFENDE O MONTE PITUCO (Pornedo)

Retomamos a recente visita do SEPRONA ao Monte Pituco (Pornedo), desta vez a respecto dos desperfectos que provocan no terreo os conductores de motos e quads. Agardamos que os axentes quedaran tan impactados coma nós cando comprobamos “in situ” o “descaghallada” que teñen esta zona, o rastro de lixo que deixan tras deles e o difícil que é recuperar o aspecto orixinal deste espazo, convertido agora nunha pista ilegal de adestramento. ISTO NON É DEPORTE…

Isto é gamberrismo puro e duro, porque teñen o punto de encontro sementado de botellas de cristal, latas e envases de plástico. Tampouco dubidan en abandoar neumáticos usados, pezas de goma e outros artiluxios que se desprenden das máquinas. E para rubricar o colmo do vandalismo, os restos dunha enorme fogata-basureiro da que aínda quedan restos. Non só é contaminante, senón potencialmente perigoso en caso de incendio, ao tratarse de material inflamable ou que, no caso do vidro, podería actuar de lupa.

Terra estéril, seca e chea de gretas onde as rodas xa deixaron de pasar. Terra trillada e poirenta, ondulacións no terreo e pronunciados desniveis onde os pilotos por deciden guiar os vehículos. Porque aínda por riba, dispoñen do monte ao seu antollo: cando cansan de repetir un trazado, fan outro ao carón, convertindo a ladeira nun labirinto de camiños a ningunha parte.

…Isto non é deporte. Porque quen practica un deporte faino nunhas instalacións ou nun lugar habilitado e autorizado a ese efecto. Porque temos aos deportistas por persoas respectuosas coa saúde propia e, por extensión, coa saúde allea, neste caso, a do medio ambiente. Por iso alertamos ao SEPRONA destas prácticas irregulares, para que incremente a vixiancia e sancione aos infractores. E instamos aos afeccionados a estes vehículos a exercitarse fóra de aquí, onde non son benvidos. 

Máis información sobre esta problemática, no artigo titulado “MOTORES FÓRA“.