DEFENDE O MONTE PITUCO (Pornedo)

Temos un pasado suevo. A este pobo xermánico que chegou á antiga Gallaecia arredor do ano 410, debémoslle dúas cualidades que distinguen a nosa organización territorial: as parroquias e a propiedade comunal do monte veciñal. Dese periodo procede boa parte da identidade histórica e política de Galicia: o primeiro reino en emanciparse do Imperio Romano, o cerne do feudalismo que marcaría Europa polos seguintes mil anos, a eclosión cultural da que foron partícipes figuras como Martiño Dumiense, a expansión do cristianismo, coa creación de mosteiros e monacatos… Para afondar nesta descoñecida e mesmo denostada época, Pontevedra vai acoller unhas xornadas, do 4 ao 8 de outubro: I Congreso Internacional 1600 anos do Reino Suevo de Galicia.